Anzjana ta’ 81 sena minn Bormla sfat misruqa waqt li kienet fi triqtha lejn il-Knisja.
Dan ġara żewġ minuti wara li ħarġet minn darha stess fejn żewġt irġiel serqulha l-portmoni minn taħt idejha.
L-agħar minn dan kollu ghall-anzjana kien, li fil-portmoni kien hemm ritratti għeżież għaliha: tar-raġel u binha li ħallew din id-dinja qabilha kif ukoll kuruna tar-rużarju għażiża għaliha.
Fortunatament l-anzjana ma sofriet l-ebda ġrieħi. Iddaħħal ukoll rapport fl-għassa tal-pulizija.
