Żgħażagħ Maltin u Għawdxin li għandhom dsatax-il sena jew anqas, għandhom l-opportunità li jirbħu €2000 kif ukoll safra lejn l-Awstrija. Jistgħu jagħmlu dan billi jipparteċipaw fil-kompetizzjoni bl-isem ta’ U-19 ‘Create Your World’ li qed tiġi organizzata minn Valletta 2018, b’kollaborazzjoni mal-Prix Ars Electronica Festival f’Linz, l-Awstrija, kif ukoll maċ-Ċentru Nazzjonali Interattiv tax-Xjenza, l-Esplora.
It-tema u l-messaġġ magħżul għal din il-kompetizzjoni huwa ‘Create Your World’, Oħloq id-Dinja Tiegħek. Iż-żgħażagħ kollha li għandhom dsatax-il sena jew anqas huma mistiedna jieħdu sehem f’din il-kompetizzjoni kreattiva, fejn għandhom iċ-ċans li jesebixxu x-xogħolijiet u l-kreattività tagħhom. Numru ta’ premjijiet jistgħu jintrebħu, bl-ikbar wieħed ikun dak ta’ €2000.
Għal aktar informazzjoni żuru: https://valletta2018.org/a%C4%A7barijiet/irbah-safra-lejn-l-awstrija-permezz-tal-kompetizzjoni-ta-valletta-2018-ghaz-zghazagh-ta-taht-id-dsatax-il-sena/?lang=mt
