Il-Pulizija kkonfermat li l-awtopsja li kellha ssir llum fuq il-ġuvni Zack Meli, iż-żagħżugħ ta’ 24 sena li tilef ħajtu l-Ħadd filgħodu wara argument f’Paceville, kienet inkonklussiva u jeħtieġu aktar testijiet.Meli għalissa mhux se jkun qed jindifen hekk kif qed isiru aktar testijiet, fosthom dawk tossikoloġiċi sabiex tiġi stabbilita eżatt x’kienet il-kawża tal-mewt tiegħu. ONE News jinsab infurmat li mhux eskluż li l-vittma kien taħt l-effett ta’ sustanzi illeċiti. Jidher li l-atteġġjament indiċenti tal-Malti fuq il-post, wassal sabiex ikunu l-Bulgari stess li talbu għall-assistenza tal-Pulizija.
L-istess sorsi qalu lil ONE News li dan kollu huwa nqabad minn kameras tas-sigurtà li hemm fil-viċinanzi.
Zack Meli ta’ 24 sena minn tal-Ibraġġ tilef ħajtu traġikament wara li għall-ħabta tas-sitta u nofs tal-Ħadd filgħodu kien involut f’argument li seħħ fi Triq Santu Wistin biswit it-taraġ ta’ Santa Rita li jieħdok lejn Paceville.
Il-Pulizija tinsab f’kuntatt ukoll ma’ xhud ewlenija li rat il-każ iseħħ quddiem għajnejha. Xhud li konsegwenza ta’ dak li rat sofriet minn qatgħa kbira.
Il-Pulizija għadha għaddejja bl-investigazzjoni fejn qed tinvestiga filmati tal-kameras tas-sigurtà li kien hemm fil-madwar ta’ fejn seħħ il-każ.
Intant iż-żagħżugħ Bulgaru ta’ 19-il sena li kien qed jinżamm mill-Pulizija issa nħeles mill-arrest fuq police bail.
