A historical overview of the development of Maltese urban areas huwa t-titlu tal-ewwel taħdita minn sensiela ta’ taħditiet li se jkunu organizzati kull xahar minn Heritage Malta.
L-għan ta’ dawn it-taħditiet huwa li titqajjem kuxjenza akbar dwar il-wirt kulturali. Dawn it-taħditiet se jkunu indirizzati minn professjonisti fis-settur kif ukoll minn rappreżentanti ta’ Heritage Malta. Is-suġġetti li se jkunu diskussi f’din is-sensiela ta’ taħditiet huma dwar diversi aspetti tal-wirt kulturali u storiku tagħna bħall-arkeoloġija, konservazzjoni, l-istorja, storja naturali, fotografija, settur marittimu u oħrajn.
It-taħditiet se jsiru s-Sibtijiet filgħodu bejn l-10.00am u nofsinhar f’siti relatati mas-suġġett. L-ewwel taħdita, Historical overview of the development of Maltese urban areas, se ssir fl-10 ta’ Marzu fil-Mużew Nazzjonali tal-Arkeoloġija fil-Belt Valletta u se tkun indirizzata mill-Perit ta’ Heritage Malta, Ruben Abela. F’din it-taħdita se jkun diskuss it-tibdil u t-trasformazzjoni taż-żoni urbani f’Malta bil-għan li jkun apprezzat aktar l-iżvilupp storiku tal-ibliet u l-irħula Maltin.
