B’tifkira tad-90 sena anniversarju mill-wiri tal-ewwel film talkies “The Jazz Singer”, kif ukoll biex ikun imfakkar “Jum it-Talkies” li jaħbat fis-6 ta’ Ottubru, is-Soċjetà Internazzjonali Al Jolson ser torganizza żewġ wirjiet.
Wirja minhom ser tkun imtella’ bl-għajnuna qawwija tal-Kunsill Lokali ta’ Raħal Ġdid. Din tkun esibita’ fil-Kunsill Lokali bejn il-Ġimgħa 6 u l-Erbgħa 11 ta’ Ottubru 2017 fil-ħinijiet tal-ftuħ tal-Kunsill.
Nhar il-Ġimgħa 6 ta’ Ottubru 2017 fid-9:30 ta’ filgħodu se tkun imħawla siġra u tinkixef lapida kommemorattiva fil-ġnien “Sir Paul Boffa” f’Raħal Ġdid. Biex jitfakkar id-90 sena mill-wiri tal-ewwel film mitkellem.
Wirja oħra ser tkun fl-entratura tal-kumpless taċ-ċinema li jinsab fi Triq Ħaż-Żabbar, il-Fgura bejn it-Tnejn 2 u l-Gimgħa 13 ta’ Ottubru 2017.
Kullħadd hu mistieden għal dawn l-attivitajiet li huma bla ħlas.
Għal aktar tagħrif ċempel 99880489 jew ibgħat email fuq vinwilljolsonmalta@gmail.com
