F’Dayton fl-istat ta’ Ohio, il-pulizija kkonfermat li hemm 9 mejta u 16 feruti.
Il-midja qed tirraporta li ttieħdu l-isptar u li l-aggressur inqatel ukoll.
Filmati li nterdu fuq siti soċjali juru nies jiġru u ħafna sparar li dwew mat-toroq ta’ Dayton. Nies li kienu fil-viċnanzi stqarrew li kienu mġiegħla javakwaw.
Is-servizzi tal-emerġenza nġabru fil-kantuniera ta’ E 5th Street and Wayne Avenue. Fuq il-post ġew issejħu wkoll uffijali tal-FBI.
Dan l-attakk seħħ sigħat biss wara l-isparaturi li kien hemm f’Texas fejn ħallew 20 vittma.
B’rabta ma’ dan il-każ l-awtoritajiet qegħdin jappellaw għax-xhieda.
Intant għal dan il-massakru l-Ministru għall-Affarijiet Barranin, Carmelo Abela fi tweet qal li jinsab ixxukjat b’dan il-qtil u li hija tal-mistħija li qed isiru dawn l-affarijiet f’ċertu komunitajiet madwar id-dinja.
There are no words to express how shocked I am at being informed of another mass shooting in #Ohio. It is appalling worldwide that communities are being targeted in this manner. #Zeroimpunity for #hatecrimes. @MFAMalta @SecPompeo @USAmbMalta @MaltaGov
— Carmelo Abela (@AbelaCarmelo) August 4, 2019
