Madwar kilometru u nofs ta’ kju; mhux għal kunċert jew għal logħba futbol, iżda biex jagħtu cv għax-xogħol.
Dan seħħ f’Madrid, fi Plaza de Espana dalgħodu, fejn lukanda lussuża ħarġet sejħa għal ħaddiema fi ħdanha. Propjament kull ma riedu jagħmlu huwa li jibaghtu cv imma kif jidher, bosta kienu dawk li rħewla jistennew; 7,000 persuna fi kju għal siegħa sħiħa.
Dan qajjem kontroversja sħiħa anke fuq il-mezzi tal-midja soċjali fejn bosta qalu li dan il-każ juri s-sitwazzjoni tal-qgħad fil-pajjiż. Bosta wkoll urew ir-rabja tagħhom għal mod kif irreklamat il-lukanda, li wassal għal sitwazzjoni inumana fejn dawn in-nies saret festa bihom, mill-midja spanjola.
