Fid-29 ta’ Lulju 1966, Charlie u Victoria Micallef iltaqgħu għall-ewwel darba fil-festa ta’ San Pawl ir-Rabat, iżżewġu seba’ ġimgħat wara fil-25 ta’ Settembru u ġimgħa wara telqu flimkien lejn l-Awstralja!
57 sena wara, l-aħwa Fabian u Keith Demicoli ltaqgħu magħhom fi Brisbane fejn hemm komunità żgħira iżda dinamika ta’ Maltin-Awstraljani jew Awstraljani ta’ nisel Malti. Charlie Micallef jirrakkonta li kien jaħdem fit-tabakk f’żona rurali fi Queensland madwar siegħa ‘l bogħod mill-Belt. Għall-ewwel Victoria tant kienet tħossha waħidha li kienet mejta biex tirritorna Malta.
L-Aħwa fl-Awstralja jżuru d-dar tal-familja ta’ Chris u Alison Delia li emigraw biż-żewġt itfal 10 snin ilu. Hemm iltaqgħu ma’ koppja li ltaqgħu waqt lezzjoni tal-Malti u li għamlu n-number tal-karozza personalizzata ‘I ❤️ Malta’.
L-AĦWA FL-AWSTRALJA ppreżentat minn Keith u Fabian Demicoli jixxandar esklussivament fuq ONE, l-Erbgħa 8 ta’ Mejju fid-8:40pm
