69 persuna nqatlu s’issa fil-Gwatemala, kawża ta’ vulkan li żbroffa. Dan waqt li bosta familji qed ifittxu lil dawk li għadhom ma nstabux fit-toroq u fil-kmamar mortwarji.
L-aġenzija tad-diżastri tal-pajjiż qalet li kien hemm aktar imwiet wara li ġabret aktar iġsma mit-toroq tar-raħal El Rodeo li ntlaqat bl-iżbroff tal-vulkan.
S’issa ġew identifikati għadd żgħir biss tal-vittmi.
F’waħda mill-kmamar mortwarji li tinsab madwar 30 kilometru mill-vulkan, familji qed ifittxu b’mod iddisprat lill-persuni li ntilfu kawża ta’ din it-traġedja.
