Iktar kmieni llejla, għall-ħabta tas-18:15 ta’ filgħaxija, f’Xatt it-Tiben il-Forzi Armati ta’ Malta daħħlu f’pajjiżna disgħa u sittin immigrant permezz tal-Patrol Boat P51.
F’Xatt it-Tiben kien hemm jistennewhom numru ta’ uffiċjali tal-Protezzjoni Ċivili flimkien ma’ uffiċjali tas-Saħħa Pubblika.
Minn informazzjoni li kiseb one.com.mt jidher li l-immigranti jinsabu fi stat ta’ saħħa tajjeb.
Fi stqarrija, il-Forzi Armati ta’ Malta kkonfermaw li l-immigranti ġew salvati kmieni dalgħodu minn fuq dgħajsa tal-injam li kienet f’periklu.
Żiedu jgħidu li s-salvataġġ sar mija u sbatax-il mil nawtiku fil-Lbiċ ta’ Malta.
