67% tal-popolazzjoni adulta f’Malta tlaqqmet bid-doża tal-booster

Żewġ terzi tal-popolazzjoni adulta f’Malta, jiġifieri 67% tlaqqmu bid-doża tal-booster.

Ħabbar dan id-Deputat Prim Ministru u Ministru għas-Saħħa Chris Fearne f’kitba fuq Twitter.

Jumejn ilu, id-Deputat Prim Ministru kien qal kif pajjiżna huwa l-iżjed pajjiż mill-kontinent Ewropew li laqqam nies bid-doża tal-booster.

Chris Fearne qal ukoll kif id-doża tal-booster taħdem u qed tħalli riżultati tajbin, hekk kif pajjiżna għandu l-inqas nies fl-isptarijiet infettati bil-virus.

Id-Deputat Prim Ministru kompla jħeġġeġ lil dawk in-nies li għadhom ma ħadux id-doża tal-booster sabiex jirreġistraw fuq is-sit vaccin.gov.mt.