58 student temmew b’suċċess korsijiet ta’ taħriġ li se jtejbu l-kura provduta lill-anzjani.
It-taħriġ, li kien provduti minn San Vinċenz De Paul b’Paul, b’kollaborazzjoni mal-Università ta’ Malta, kien miftuħ għal nies ġenerali li jixtiequ jsiru carers, kif ukoll għall-ħaddiema ta’ San Vinċenz de Paul.
Korsijiet oħra li qed jiġu offruti jinkludu Moving & Handling, għal carers u infermiera rispettivament, kif ukoll sessjonijiet in-house u on-site.
Barra minn hekk, qed isiru wkoll korsijiet ta’ Basic Medical Maltese u Malti Kulturali li qed jingħataw lill-ħaddiema barranin biss.
L-għan ta’ dawn il-korsijiet huwa li jżidu l-għarfien u l-ħiliet tal-ħaddiema fil-qasam tal-kura għall-anzjani, biex b’hekk ikunu jistgħu jipprovdu servizz ta’ kwalità ogħla u aktar komprensiv.
Is-Segretarju Parlamentari għall-Anzjanità Attiva Malcolm Paul Agius Galea awgura lill-istudenti u spjega kif l-edukazzjoni u t-taħriġ professjonali huma fundamentali biex jiġi żgurat servizz tal-aqwa livell għall-anzjani.
Huwa spjega li l-fatt li dawn il-korsijiet qed jattiraw kemm Maltin kif ukoll barranin huwa xhieda ta’ kemm huma importanti u effettivi. Sostna wkoll li ser ikomplu jinvestu fit-taħriġ u l-iżvilupp tal-ħaddiema ta’ pajjiżna biex joffru servizzi dejjem aħjar.
