Fl-ewwel partita tal-Ħadd fic-Centenary Stadium Mosta kisbu tlett punti importanti f’rebħa ta’ 2-1 kontra Marsaxlokk biex issa t-tim Mosti qabeż waħdu fid-disa post.
L-ewwel azzjoni tal-partita waslet ma’ kważi kwarta logħob meta kien Precious Linus Tenebe li kellu tentattiv li għadda għoli.
Fit-tmintax il-minuta mill-ġdid kienu Mosta meta kienet azzjoni ta’ corner, bil-ballun wasal għand Precious Linus Tenebe li kellhu d-daqqa ta’ ras tiegħu tgħaddi ftit barra.
Fil-21 minuta wieġbu għal ewwel darba t-tim ta’ Marsaxlokk meta kien Junior Jose Fernando Gomes li kellhu freekick dirett li għadda ftit barra. Dan sabiex erba minuti wara reġgħu Marsaxlokk meta kien Nevin Portelli li x-xutja, liema xutt għadda għoli.
Marsaxlokk fetħu l-iskor fit-28 minuta meta kien Duane Bonnici li krossja, sab lill-Nevin Portelli li b’daqqa ta’ ras perfetta tefa’ l-ballun fix-xibka wara l-goalkeeper David Udoh Akpan.
Mosta wieġbu fis-37 minuta meta minn azzjoni ta’ corner kien hemm taħwida fil-kaxxa ż-żgħira u finalment kienet d-difiża Xlukkajra li tajret l-periklu.
Mumenti biss wara u Mosta ġabu l-iskor indaqs meta kien Henry Nwoga li b’akkrobazija żmarka tajjeb lill-Jamie Scerri li minn qagħda ideali ma sab l-ebda problemi u tefa l-ballun fix-xibka għal 1 – 1.
Mosta marru fil-vantaġġ għal ewwel darba fit-53 minuta meta kien freekick ta’ Precious Linus Tenebe u Aziz Dao Ben bir-ras tefa’ l-ballun fix-xibka.
Marsaxlokk irrispondew fit-68 minuta meta kien hemm xutt mid-distanza ta’ Yuri Messias li ntemm barra.
Fil-71 minuta Marsaxlokk għal ftit ma għamlux l-iskor indaqs meta Gustavo Adolfo Chara kienu kważi ser jikkometti auto goal fit-tentattiv li jbiegħed l-periklu. Risposta ta’ Mosta fid-79 minuta meta Henry Nwoga waħdu quddiem l-goalkeeper Marko Drobnjak tefa’ għoli.
Tmien minuti mit-tmiem u azzjoni oħra għall Marsaxlokk permezz ta’ Junior Jose Fernando Gomes li x-xutja minn tarf l-kaxxa, liema xutt għadda għoli.
Fl-aħħar azzjoni tal-partita għal darboħra kienu Marsaxlokk meta xutt mil-viċi ta’ Yuri Messias kien mblukkatt minn Gustavo Adolfo Chara.
Referee: Darryl Agius
Plejer tal-Logħba: Aziz Dao Ben (Mosta)
