Il-President Amerikan Joe Biden indirizza lin-nazzjon hekk kif in-numru ta’ persuni li mietu fl-Istati Uniti minħabba l-COVID-19, qabeż in-nofs miljun, li huwa l-ogħla numru fost il-pajjiżi kollha fid-dinja.
Joe Biden qal li l-pajjiż ma jistax jaċċetta destin daqstant krudili, f’appell imqanqal biex kulħadd jagħti sehmu ħalli l-Amerka tiġġieled il-virus.
Il-President u l-Viċi-President osservaw mument ta’ silenzju barra l-White House f’ċerimonja simbolika fejn inxtegħlu x-xemgħat.
Aktar minn tmienja u għoxrin miljun Amerikan ġew infettati bil-Coronavirus f’dak li huwa rekord globali ieħor.
