Ġie fi tmiemu b’suċċess il-Valletta Baroque Festival 2025 fejn hu stmat li attendew ’il fuq minn 5,000 persuna għal total ta’ 32 kunċert.
Il-festival ta’ din is-sena laqa’ udjenza minn madwar id-dinja kollha bi programm varjat li jiċċelebra mużika barokka, taħt id-direzzjoni artistika ta’ Kenneth Zammit Tabona fi ħdan Festivals Malta. Inkluda wkoll lista ta’ artisti ta’ preġju li daqqew f’postijiet meraviljużi madwar Malta.
F’dan il-festival ittellgħu kunċerti, filwaqt li l-Orkestra Filarmonika ta’ Malta tat wirja indimentikabbli u li fiha ħadu sehem il-vjolinisti promettenti Charlie Siem u Carmine Lauri.
Il-festival introduċa wkoll lit-tfal għall-għeġubijiet tal-mużika barokka u rawwem apprezzament fost il-ġenerazzjonijiet futuri.
Imtella’ madwar postijiet storiċi bħall-Kon-Katidral ta’ San Ġwann, il-Knisja ta’ Lapsi u l-Palazz Verdala, il-festival sebbaħ il-valur kulturali ta’ Malta.
