Minn tal-inqas ħames persuni nqatlu u ħafna oħrajn indarbu fit-tieni sparatura li seħħet dan ix-xahar f’Texas fl-Istati Uniti.
L-ewwel li ntlaqat mit-tiri kien Pulizija li pprova jwaqqaf lill-aggressur waqt li kien qed isuq bejn il-bliet ta’ Midland u Odessa.
L-aggressur kompla b’xita ta’ tiri fuq numru ta’ sewwieqa u persuni li kienu mexjin fuq il-bankina fejn f’mument minnhom ħareġ mill-karozza u seraq trakk tal-posta fejn kompla jispara.
Hu nqatal b’tir minn Pulizija f’kumpless taċ-ċinema.
Ir-raġuni wara dan il-każ għadha trid tiġi stabbilita. Kien proprju erba’ ġimgħat ilu meta 22 persuna nqatlu b’tiri f’El Paso.
Il-Ministru għall-Affarijiet Barranin Carmelo Abela esprima s-sogħba tiegħu għal dan l-attakk u offra l-kondoljanzi lill-familjari tal-vittmi.
Saddened to wake up to news of another mass shooting, this time in #Midland and #Odessa. Condolences and solidarity with the families of the victims and injured and the communities in #Texas #stopgunviolence. @MFAMalta @MaltaGov
— Carmelo Abela (@AbelaCarmelo) September 1, 2019
