L-ERA, flimkien ma’ Nature Trust ħabbret li mir-raba’ bejta faqqsu kompletament u pproduċiet total ta’ 46 fkieren.
Fi stqarrija ntqal li r-raba’ bejta li nstabet f’Għajn Tuffieħa fis-16 ta’ Lulju, iżda kellha titmexxa f’Golden Bay biex tiġi żgurata s-sigurtà tagħha.
REKLAM
SKROLLJA BIEX TKOMPLI
Il-bejta kellha total ta’ 64 bajda b’46 li faqqsu b’suċċess, u fekruna minn dawn il-46 kienet għadha fil-bejta u ġiet iggwidata b’mod sigur lejn il-baħar.
L-ERA u n-Nature Trust irringrazzjaw lill-pubbliku talli żamm mad-direzzjonijiet immirati biex jipproteġu s-sit tat-bejta u l-fkieren. Intqal li se tkompli l-ħidma fit-twettiq ta’ salvataġġ u riabilitazzjoni ta’ annimali oħra madwar il-gżejjer Maltin.
