336 koppja tal-istess sess ingħaqdu fiż-żwieġ f’pajjiżna fl-aħħar 5 snin

Matul dawn l-aħħar ħames snin, f’pajjiżna kien hawn 336 żwieġ bejn koppji tal-istess sess.

Fi tweġiba għal mistoqsija Parlamentari, il-Ministru għall-Intern, is-Sigurtà, ir-Riformi u l-Ugwaljanza Byron Camilleri ppreżenta statistika li turi li s-sena li għaddiet kienet waħda popolari għal dawn iż-żwiġijiet, b’total ta’ mitt żwieġ irreġistrat. Ta’ min jinnota li l-2021 u l-2020 kienu snin li matulhom kien hemm restrizzjonijiet fis-seħħ, kawża tal-pandemija.

Permezz tal-emendi tal-2017 fil-Kodiċi Ċivili Malti, koppji tal-istess sess bdew igawdu mill-istess livell ta’ protezzjoni legali li jgawdu minnha koppji eterosesswali.

_{Ritratt: gayguidemalta.com}