il-fergħa tal-Ġnus Magħquda il-UNICEF qalet li hu rrapportat li mill-inqas 322 tifel u tifla Palestinjani nqatlu f’Gaza wara l-bidu ta’ attakki ġodda minn Iżrael ġimagħtejn ilu wara l-ftehim ta’ waqfien mill-ġlied.
Minbarra hekk, tenniet li mill-inqas 609 tfal oħra sofrew ġrieħi fl-istess perjodu f’dan il-konflitt imdemmi li reġa’ eskala wara l-attakki tal-Hamas f’Ottubru tal-2023.
“Mingħajr affarijiet bażiċi u essenzjali, il-malnutrizzjoni u l-mard se jkomplu jiżdiedu u, allura, dan se jwassal għal iżjed imwiet ta’ aktar tfal li jistgħu jiġu evitatti,” qalet il-UNICEF.
Mit-18 ta’ Marzu li għadda, Iżrael kompla bl-attakki qliel tiegħu fuq il-Medda ta’ Gaza u ġġustifika dan għax, skontu, il-grupp Hamas kien qed jirrifjuta l-proposta ġdida tal-Istati Uniti tal-Amerka biex jeħles 59 ostaġġ Iżraelit li kienu għadhom priġunieri f’Gaza.
Mindu bdiet il gwerra aktar min 18 il-xahar ilu, il-UNICEF qalet li mal-15,000 tifel u tifla tilfu ħajjithom, waqt li aktar min 34,000 indarbu. Dawn minbarra l-eluf kbar ukoll ta’ nisa u rġiel, fil-maġġoranza tagħhom innoċenti.
