300 qattus u qattusa ċċelebraw il-Milied b’ikla speċjali ta’ ħut u tiġieġ permezz ta’ donazzjonijiet mogħtija minn qlub twajba lis-santwarju tal-qtates, Carers for Stray and Abandoned Felines.
F’messaġġ fuq Facebook, is-santwarju rringrazzjaw lil dawk kollha li b’xi mod jew ieħor kienu ta’ għajnuna matul din is-sena. Irringrazzjaw lill-veterinarji li salvaw numru ta’ qtates, lill-voluntiera kollha tal-ħin tagħhom, lil dawk kollha li għażlu li jadottaw mingħandhom, lil dawk li pprovdewlhom ikel meta kellhom bżonn fost bosta oħrajn.
Is-santwarju rringrazzjaw ukoll lil dawk li laqgħu t-talba tagħhom biex għal jum il-Milied jagħmlu ikla speċjali għat-300 qattus li jinsabu abbandunati jistennew familja tadottahom.
Huma temmew il-messaġġ tagħhom billi għaddew ix-xewqat tagħhom għal dawn il-jiem ta’ festi u ħeġġew lil dawk kollha li forsi jħossuhom waħedhom biex jibdew xogħol ta’ volontarjat. Dan hekk kif dan ix-xogħol iservi bħala terapija u li minnu tieħu sodisfazzjon kbir.
Għalkemm jirċievu numru ta’ donazzjonijiet, ix-xogħol fis-santwarju dejjem għaddej minn bżonn ta’ ikel u kif ukoll kura għall-qtates, għalekk kull min irid jagħti donazzjoni jista’ billi jibgħat messaġġ fuq:
50619243 għal donazzjoni ta’ € 11.65
50618069 għal donazzjoni ta’ € 4.66
50617353 għal donazzjoni ta’ € 2.33
