Aktar kmieni dalgħodu, grupp ta’ 30 voluntier telqu minn xtutna lejn Spanja, biex jimxu
l-aħħar 125 kilometru tal-pellegrinaġġ ta’ Camino de Santiago.
It-tim ta’ Brown’s Camino 4 ilu jitħarreġ u jiġbor fondi bla heda, bil-qligħ kollu miġbur qed jingħata għall-finanzjament
ta’ proġett tal-emanċipazzjoni tan-nisa f’Bonga, l-Etjopja.
Il-proġett li se jkun qed jipprovdi taħriġ fil-ħjata, rakkmu, klassijiet tat-tisjir, parrukkiera u IT għandu l-intenzjoni li jilqa’ sa
500 rekluta fis-sena, biex b’hekk jipprovdi stil ta’ ħajja aħjar għal dawk involuti u l-familji tagħhom.
Dan isegwi l-proġett ta’ tlieta f’wieħed li għaddej fiż-żona ta’ Jimma Bonga li jinkludi kindergarten, skola primarja, u skola sekondarja li titma’ u teduka sa 1000 tifel u tifla.
Kull min jixtieq jgħin finanzjarjament jista’ jikkuntattja lill-uffiċjal kap filantropikutal-fondazzjoni, Keith Marshall jew it-teżorier Austin Cachia, jew jibgħat donazzjoni fuq in-numri ta’ hawn taħt:
50618062 – €4.66
50618861 – €6.99
50619261 – €11.65
