Ir-ruħ soċjali tal-Partit Laburista ddominat l-amministrazzjoni nazzjonali, taħt it-tmexxija tal-Prim Ministru Robert Abela, fl-aħħar tliet snin.
F’perjodu ta’ sfidi internazzjonali bla preċedent, wara pandemija u gwerra fil-Lvant tal-Ewropa, Gvern Laburista żied qatigħ l-investiment fil-politika soċjali.
Fost l-oħrajn, kompla jżid il-pensjonijiet, baġit wara l-ieħor, waqt li żied bla preċedent ukoll iċ-Children’s Allowance. F’dawn it-tliet snin, il-Gvern tal-Prim Ministru Robert Abela ta żieda f’dan il-benefiċċju soċjali, aktar minn kemm ġie mwiegħed fil-manifest elettorali tiegħu, ‘Malta Flimkien’.
Dan filwaqt li, minn din is-sena, il-ħaddiema kollha Maltin u Għawdxin bdew igawdu mill-akbar tax cut. Fil-manifest elettorali, il-Partit Laburista kien wiegħed li jaqta’ t-taxxi u jħalli fil-bwiet tal-familji €66 miljun, iżda minflok, bil-miżuri introdotta, qed iħalli mal-€140 miljun biex ikunu jistgħu jitgawdew iżjed mill-familji f’pajjiżna.
F’dawn it-tliet snin, Gvern Laburista investa mijiet ta’ miljuni f’sussidji biex żamm il-prezzijiet tal-enerġija u l-fuels stabbli. Dan f’perjodu instabbli għall-ekonomiji madwar id-dinja, wara l-pandemija globali tal-COVID-19 u l-bidu tal-Gwerra fl-Ukrajna, li ħolqot il-kriżi tal-enerġija u inflazzjoni qawwija.
Bil-kontra ta’ pajjiżi oħrajn, f’pajjiżna l-Gvern ma ħaddanx politika ta’ awsterità, iżda inċentiva ferm aktar liċ-ċittadini u n-negozji.
Dan wassal biex l-ekonomija Maltija baqgħet tikber b’mod b’saħħtu, tant li, fl-aħħar snin, din irreġistrat l-akbar tkabbir ekonomiku minn fost il-pajjiżi kollha fl-Unjoni Ewropea. Dan kompla jissaħħaħ ukoll bl-investimenti li għamlu kumpaniji internazzjonali f’pajjiżna.
Fost dawn hemm l-investimenti minn ST Micro Electronics, Easyjet, Baxter, Seifert, Torrent Pharma, Gimas u l-aħħar wieħed minn Lufthansa Technik, li se tkun qed tinvesti €22 miljun fil-bini ta’ hangar ġdid. 12/03/2025
Fl-ewwel mitt jum ta’ din il-leġiżlatura, kif imwiegħed, il-Gvern daħħal fis-seħħ emendi iżjed b’saħħithom fil-liġi tal-IVF. Dawn jinkludu li aktar nisa jgawdu mill-proċess mingħajr ħlas, żieda fl-età ta’ dawk eliġibbli, żieda fiċ-ċikli b’xejn u s-servizz jiġi offrut anke lil min diġà kellu l-ewwel wild.
Minbarra l-investiment f’binjiet ta’ housing soċjali, il-Gvern tal-Prim Ministru Robert Abela ħaseb ukoll għal skemi biex aktar nies isiru sidien ta’ djarhom. Mhux l-inqas b’iżjed inċentivi lil koppji żgħażagħ, li jridu jibnu l-familja tagħhom, bħala first-time buyers, hekk kif iddaħħlet l-iskema b’għotja ta’ €10,000 mifruxa fuq għaxar snin.
Tliet snin ta’ Gvern Laburista.
Tliet snin ta’ ruħ soċjali.
