ONE Radio, l-istazzjon li 25 sena ilu twieled fil-festa ta’ San Gejtanu fil-Ħamrun.
L-istazzjon li beda jxandar qalb in-nies għadu jxandar qalb is-semmiegħa numerużi tiegħu.
Illum il-ġurnata l-istess stazzjon li jġib l-isem ta’ ONE Radio għadu għaddej fuq il-passi li bdew mill-festa ta’ San Gejtanu fil-Ħamrun.
ONE Radio beda jxandar qalb in-nies u għadu jxandar qalb il-poplu li bi ħġaru dejjem wera l-lealtà tiegħu lejn dan l-istazzjon.
Kien propju fil-ħdax t’Awwissu tal-elf disa’ mija wieħed u disgħin meta Tony Camilleri mill-istudjos fil-Marsa introduċa dan l-istazzjon flimkien ma’ Ray Azzopardi f’kollegament dirett mill-festa tal-Ħamrun.
Din is-sena l-istazzjon qed jiċċelebra sena importanti għaliex huwa l-ħamsa u għoxrin anniversarju minn mindu ONE beda jxandar, dak iż-żmien fuq frekwenza ta’ 88 mega hertz.
Il-frekwenza nbidlet fuq 92.7 FM iżda l-qalb u l-passjoni minn dawk li jagħtu ħinhom għal dan l-istazzjon għadha hemm.
Sabiex lkoll nibqgħu ngħożżu l-istorja ta’ dan l-istazzjon it-Tnejn wara l-bulletin tal-aħbarijiet fuq it-televiżjoni se jixxandar dokumentarju dwar l-istorja ta’ ONE Radio
