Fl-aħħar jiem il-Ministeru tal-Affarijiet Barranin wieġeb aktar minn disa’ mitt telefonata u elf u mitt email mibgħuta minn Maltin li nqabdu barra mill-pajjiż kawża ta’ ristrezzjonijiet fuq l-ivjaġġar.
Fil-jiem li għaddew permezz ta’ tliet vjaġġi bil-katamaran tal-Virtu Ferries, inġiebu lura Malta mitejn u sebgħa u tletin persuna li bħalissa jinsabu kollha taħt kwarantina mandatorja.
