Il-Malta Canine Society ser torganizza il- wirja tar-Rebbiegħa tal- klieb nhar is-Sibt u l-Ħadd 7 u 8 t’ April 2018, fil-Kulleġġ San Benedittu, Ħal-Kirkop. Robin Newhouse, ġurija internazzjonali mill-Ingilterra, ser jiġġudika l- klieb f’din il- wirja.
200 kelb minn 56 razza differenti ser jikkompetu f’din il- wirja li ser tiftaħ is- Sibt 7 t’ April 2018 fl- 3.00pm, bil- klassi tal- Junior Handlers, li hija kompetizzjoni miftuħa għal tfal bejn l-10 u 17 il-sena. Il- parteċipant bl-akbar numru ta’ punti fl-aħħar tas-sena jirrapreżenta lill-Malta fil-kompetizzjoni Internazzjonali tal- Junior Handlers li ssir waqt l-akbar Dog Show tad- Dinja, Crufts, li ssir f’ Marzu f’Birmingham. Is-Sibt jiġu ġġudikati wkoll dawk ir- razzez li jaqaw taħt il-kategorija tal-Gundogs u Toys.
Il-Ħadd 8 t’ April 2018 il- wirja tiftaħ fid- 9.00am bir- razez tal-Hounds u Utility. Il- wirja tieqaf fin-12.30pm u tkompli wara nofs in-nhar fit-3.00pm bir-razez tal- Working u Terriers, u ssir il- finali fejn ir-rebbieha kollha tal- gruppi jikkompetu għat-titlu tal- Best In Show.
Il- Malta Canine Society, hija affiljata mal- Maltese National Canine Federation li hija responsabbli mir- registrazzjoni u l- hrug tal- pedigrees tal- klieb.
Dawk kollha li jixtiequ aktar informazzjoni jistgħu jikkuntatjaw lill-klabb li jkun miftuħ kull nhar t’ Erbgħa bejn is- 7.30pm u d- 9.00pm, fuq in-numru 21234916 jew e-mail maltacaninesociety@gmail.com, jew izuru l- website tal- għaqda: http://www.maltacaninesociety.org
