Kien il-11 ta’ Settembru 2001, propju bħal-lum għoxrin sena ilu meta ġara l-attakk terroristiku fuq it-Twin Towers.
F’dan jum iswed għall-Istati Uniti u għad-dinja mietu kważi 3,000 persuna.
Kien ftit qabel id-9 ta’ filgħodu, meta wieħed mit-torrijiet tat-Trade World Centre kien qed jaqbad.
Dan hekk kif ajruplan kien daħal f’wieħed miż-żewġ torrijiet.
Ftit aktar minn kwarta wara, ajruplan ieħor daħal fit-tieni torri.
Dakinhar ukoll ajruplan iġġarraf fil-Pentagon u ieħor f’għalqa f’Pennsylvania.
Dan l-attakk terroristiku seħħ mill-grupp Al-Qaeda, hekk kif l-ajruplani nħatfu minn membri ta’ dan il-grupp.
Il-kap tal-grupp Al-Qaeda, Osama Bin Laden inqatel mill-Forzi Amerikani, kwazi għaxar snin wara dan l-attakk.
