Mill-inqas sittax-il rider barrani minn ħames pajjiżi huma konfermati għall-ħames edizzjoni tal-BMX Fest: Xmas Edition li se ssir bejn it-30 ta’ dan ix-xahar u t-2 ta’ Diċembru.
Fost il-parteċipanti, ir-rebbieħ tas-sena l-oħra l-Olandiż Pro Rider Tom Van den Bogaard, u mill-Olanda wkoll, Pro Rider Daniel Wedemeijer, li kien rebaħ l-ewwel edizzjoni fl-2014. Sewwieqa oħra ġejjin mir-Renju Unit, il-Belġju, Franza, u l-Latvja.
Il-BMX Fest se jkun mifrux mill-Ġimgħa sal-Ħadd, bil-weekend jikkonsisti wkoll f’kompetizzjonijiet għal riders beginner u amateur, kemm lokali u barranin.
Il-Ħadd wara nofsinhar imbagħad il-kompetizzjoni Open bl-aqwa kompetituri lokali u barranin.
L-avveniment se jsir kollu fl-Indoor Skatepark ta’ Pembroke u miftuh ghall-publiku.
