Il-Malta Feline Knights, club tal-qtates affiljati ma l’organizazzjoni amerikana TICA (the International Cat Assocation) ser tkun qiegħda torganizza it-tieni show internazzjonali il-weekend li ġej.
L-għan tal-club huwa li naqsmu u niċċellebraw l-imħabba lejn il-qtates, ngħallmu fuq razzez ġodda, filwaqt li ngħinu qtates fil-bżonn. Għaldaqstant, dan il-weekend ser inkun qed jittella’ l-ewwel 10 Ring TICA show f’Malta fuq livell internazzjonali b’ 4 ġurija internazzjonali li ġejjin mill-Awstrija u l-Olanda.
Għal dan is-show wieħed ħa jkun jista’ jara dawn ir-razzez kollha taħt saqaf wieħed: Persians, Bengals, Exotic Short Hair, British Long Hair u British Short Hair, Maine Coons, Sphynx, Himalayans, Siamese, Donskoy, Ragdoll, Oriental shorthair, Siberian u La perm. Ma’ dawn ir-razzez puri ħa jkollna wkoll il-katergorija Household Pets, li huma qtates domestici mingħajr pedigree li xorta jkunu jistgħu jikkompetu u jġibu titli daqs qattus tar-razza, dejjem f’katerogorija apposta għalihom.
F’din il-wirja ser ikun hemm wkoll l’Animal Guardians Malta sabiex permezz ta’ dan is-show nagħtu spinta u importanza kbira lil qtates li jkunu qegħdin għal adozzozjoni. Nemmnu li bħala club huwa dover tagħna li nuru li kull qattus jixraqlu l’aqwa ħajja.
L’entratura għal dan is-show huwa b’xejn. Kullħadd huwa mistieden li jiġi jżur dan is-show, ġewwa Naxxar Parish Hall, Triq l-Oratorju in-Naxxar, is-Sibt bejn 1pm – 5pm u l-Ħadd bejn 10am – 5pm.
