125 student tal-kickboxing kellhom l-opportunità li jiġu mgħallma mit-tmien darba champion tad-dinja, Liam ‘The Hitman’ Harrison, nhar is-Sibt li għadda, 6 ta’ Lulju. Is-seminar ġie organizzat mill-Master Noel Mercieca mill-club Team Noel.
Matul is-seminar, l-istudenti kellhom l-opportunità li jaraw mill-qrib it-talent ta’ Liam. Hu ta’ dimostrazzjoni ta’ bosta tekniċi tal-kickboxing u wieġeb għad-domandi tal-istudenti stess, fejn fl-aħħar tas-seminar, kellhom ukoll l-opportunità jitkellmu u anke jieħdu ritratti miegħu.
Master Noel Mercieca saħaq li dan is-seminar kien ta’ suċċess; u dawn is-seminars bil-parteċipazzjoni ta’ ġellieda tal-kickboxing u l-Muay Thai ta’ ċertu livell għoli se jgħinu lill-istudenti jiżviluppaw il-kapaċitajiet tagħhom sabiex jilħqu livell għoli kemm fuq livell nazzjonali kif ukoll internazzjonali.
