Il-Ħadd wara nofsinhar sar il-11 il-programm ta’ l-istaġun li kien jikkonsisti f’10 tiġrijiet tat-trott fuq distanza ta’ 2140 metru fejn ingħata bidu għall-Kampjonat riservat għall-Klassi Copper.
Filfatt saru 5 heats mit-Tazza San Franġisk fejn 20 żiemel ikkwalifikaw għas-semi finali. Dawn il-heats intrebħu minn Delice Majyc misjuq minn Daniel Hili, Diego Jyl misjuq minn Jason Zahra, Cherie de Noyelles misjuqa minn Cliferty Calleja, Ukase de Ravary misjuq minn Noel Baldacchino u Panda des Fleches misjuq minn Clayton Magri. Għal Magri din kienet l-ewwel rebħa uffiċjali tiegħu.
Noel Baldacchino irnexxielu jirbaħ ukoll waħda miż-żewġ tiġrijiet għall-Klassi Premier permezz taż-żiemel Tip Chip filwaqt li l-oħra intrebħet minn Un Amour du Pont misjuq minn Andrew Farrugia. Rodney Gatt ukoll rebaħ żewġ tiġrijiet b’Runway u Charm Blou. L-aħħar tiġrija tal-ġurnata intrebħet minn Unlike d’Etoile misjuq minn Ian Galea.
