Pauline Agius ser tirritorna fuq ONE bl-għaxar edizzjoni tal-programm Indhouse, li ser jerġa’ jixxandar kull nhar ta’ Ġimgħa fil-5:30pm. Flimkien mal-mistiedna tagħha, Pauline ser twassal dak kollu li jitratta u li għandu x’jaqsam mad-dar, mill-istadju bikri ta’ pjanar u bini, sal-fażi fejn tidħol l-għamara u d-dekorazzjonijiet.
Ħafna jgħidu li meta tibda tippjana u taħseb għad-dar tiegħek ikun żmien ta’ ħafna entużjażmu, pero’ huwa fatt li minbarra l-eċitament, dan ikun żmien li jgib miegħu ukoll ħafna inċertezza, diffikultajiet u deċiżżjonijiet li jridu jittieħdu bl-aktar mod għaqli biex ma jintefqux flus bla bżonn.
Flimkien ma’ uċuħ ġodda u oħrajn familjari, il-mistiedna kollha ta’ Indhouse ser iwasslu informazzjoni edukattiva fil-professjonalita’ tagħhom bil-ħsieb li jagħmlu l-proċess aktar faċli lil dawk kollha li jkunu għaddejjin minn dan il-proċess.
