Kien bħal-lum għaxar snin ilu meta fir-raħal sieket tal-Għarb, ħdejn il-kappella ta’ San Dimitri, splodiet il-kamra tan-nar tal-familja Farrugia.
Fil-5 ta’ Settembru tal-2010, Għawdex inħasad wara li splużjoni li kważi nħasset ma’ Għawdex kollu ħalliet 6 vittmi mejta.
Propju f’dan il-jum fis-7 ta’ filgħaxija ġewwa s-santwarju tal-Qalb ta’ Ġesù ġewwa l-Fontana se ssir quddiesa b’sufraġġju għall-vittmi. Wara l-quddies se jinħaraq salut, b’memorja għalihom, li tant ħabbew u stinkaw għall-festa tal-Qalb ta’ Ġesù.
