Il-Qorti tal-Appell Kriminali kkonfermat sentenza ta’ 10 snin ħabs fil-konfront ta’ raġel li abbuża sesswalment minn kuġintu fuq perjodu ta’ 7 snin.
L-abbuż beda meta t-tifla kellha biss 7 snin.
Ir-raġel li llum għandu 26 sena beda jabbuża mit-tifla meta kellu 17-il sena.
Huwa appella mis-sentenza li kienet ingħatat f’Jannar tas-sena li għaddiet u li kienet sabitu ħati li ħa sehem f’attivitajiet sesswali ma’ kuġintu.
