L-ammont ta’ turisti li waslu Malta f’Lulju żdied b’10.7% meta mqabbel ma’ Lulju 2015, biex laħħaq it-229,671.
Dan skont l-Uffiċju Nazzjonali tal-Istatistika. B’kollox saru 196,768 vjaġġ lejn Malta għal btala, filwaqt li 9,163 oħra ġew Malta għal skop ta’ xogħol.
It-turisti minn pajjiżi Ewropej żdiedu b’9.6% meta mqabbla mal-2015. Il-maġġoranza ta’ dawk li ġew pajjiżna kellhom bejn il-25 u l-44 sena. L-ammont ta’ iljieli li qattgħu f’Malta wkoll żied bi 3.5%.
Turisti li ġew Malta nefqu medja ta’ €229.6 miljun, żieda ta’ 4.3%.
