Iktar kmieni ngħata bidu għall-Valletta Pageant of the Seas. Spettaklu fil-Port il-Kbir bil-għan li jfakkar l-450 sena ta’ meta tqiegħdet l-ewwel ġebla tal-Belt Valletta. Dan l-avveniment jinkludi karrijiet tal-Karnival, għawwiema, power boats u yachts, dgħajjes tar-regatta, gruppi mużikali u artisti – kemm lokali kif ukoll internazzjonali. Intant, “Valletta Pageant of the Seas” tintemm għall-ħabta tad-disgħa ta’ filgħaxija bi spettaklu ta’ logħob tan-nar tal-ajru.
