L-għaddas ta’ 35 sena minn Ħal Għaxaq, li kienet għaddejja tfittxija għalih instab bla ħajja fil-baħar fiż-żona li kien qed jgħodos fiha.
Minn informazzjoni li kiseb one.com.mt jidher li r-raġel miet kawża ta’ impatt ma’ xi tip ta’ dgħajsa. It-tfittxija bdiet il-Ħamis għall-ħabta tas-6pm u baqgħet għaddejja matul il-lejl kollu sakemm eventwalment instab il-katavru dalgħodu.
REKLAM
SKROLLJA BIEX TKOMPLI
It-tfittxija kienet għaddejja minn membri tal-Forzi Armati ta’ Malta, id-Dipartiment tal-Protezzjoni Ċivili u l-Pulizija.
Il-ballun li kellu marbut miegħu l-ġuvni nstab maqtugħ fit-tfittxijiet li saru matul il-lejl.
Dwar dan il-każ inħatret inkjesta Maġisterjali bl-investigazzjonijiet qed jitmexxew mill-Pulizija tad-Distrett.
